Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 21.167 | Dem. 21.170 (English) | >>Dem. 21.173 |
21.169εἰ τοίνυν ὡς ἀληθῶς , ἄνδρες Ἀθηναῖοι , οἷάπερ φήσει καὶ καταλαζονεύσεται πρὸς ὑμᾶς αὐτίκα δὴ μάλα , τοιαῦτʼ ἦν αὐτῷ τὰ λελῃτουργημένα καὶ πεπραγμένα , καὶ μὴ τοιαῦθʼ οἷʼ ἐγὼ δεικνύω , οὐδʼ οὕτω δήπου τό γε δοῦναι δίκην ὧν ὕβρικεν ἐκφυγεῖν ταῖς λῃτουργίαις δίκαιος ἂν ἦν . ἐγὼ γὰρ οἶδʼ ὅτι πολλοὶ πολλὰ κἀγάθʼ ὑμᾶς εἰσιν εἰργασμένοι , οὐ κατὰ τὰς Μειδίου λῃτουργίας , οἱ μὲν ναυμαχίας νενικηκότες , οἱ δὲ πόλεις εἰληφότες , οἱ δὲ πολλὰ καὶ καλὰ ὑπὲρ τῆς πόλεως στήσαντες τρόπαια ·
21.170ἀλλʼ ὅμως οὐδενὶ πώποτε τούτων δεδώκατε τὴν δωρειὰν ταύτην οὐδʼ ἂν δοίητε , ἐξεῖναι τοὺς ἰδίους ἐχθροὺς ὑβρίζειν αὐτῶν ἑκάστῳ , ὁπότʼ ἂν βούληται καὶ ὃν ἂν δύνηται τρόπον . οὐδὲ γὰρ Ἁρμοδίῳ καὶ Ἀριστογείτονι · τούτοις γὰρ δὴ μέγισται δέδονται δωρειαὶ παρʼ ὑμῶν καὶ ὑπὲρ μεγίστων . οὐδʼ ἂν ἠνέσχεσθε , εἰ προσέγραψέ τις ἐν τῇ στήλῃ “ἐξεῖναι δὲ καὶ ὑβρίζειν αὐτοῖς ὃν ἂν βούλωνται ·” ὑπὲρ γὰρ αὐτοῦ τούτου τὰς ἄλλας ἔλαβον δωρειάς , ὅτι τοὺς ὑβρίζοντας ἔπαυσαν .
ὅτι τοίνυν καὶ κεκόμισται χάριν , ὦ ἄνδρες Ἀθηναῖοι , παρʼ ὑμῶν , οὐ μόνον ὧν αὐτὸς λελῃτούργηκε λῃτουργιῶν ἀξίαν (μικρὰ γὰρ αὕτη γέ τις ἦν ), ἀλλὰ καὶ τῶν μεγίστων , καὶ τοῦτο βούλομαι δεῖξαι , ἵνα μηδʼ ὀφείλειν οἴησθέ τι τῷ καταπτύστῳ τούτῳ . ὑμεῖς γάρ , ὦ ἄνδρες Ἀθηναῖοι , ἐχειροτονήσατε τοῦτον τῆς Παράλου ταμίαν , ὄντα τοιοῦτον οἷός ἐστι , καὶ πάλιν ἵππαρχον , ὀχεῖσθαι διὰ τῆς ἀγορᾶς ταῖς πομπαῖς οὐ δυνάμενον , καὶ μυστηρίων ἐπιμελητὴν καὶ ἱεροποιόν ποτε καὶ βοώνην , καὶ τὰ τοιαῦτα δή .
21.171
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 21.167 | Dem. 21.170 (English) | >>Dem. 21.173 |